1. Gin Mulayan Mo La Ako by: Mayren Grace Bandoles
Nanunumduman ko An mga adlaw han patapod nimo Na hi ako, higugmaon mo hin duro Nga pati an imo kinabuhi andam mo igbalyo
Ako nga naglaom ha imo An paghigugma mo akon igintuo Sugad ba han Ginoo Gin-hingyap ko nga dire makasala ha imo
An mga tala ngan bulan nagririsyo Bisan an igkaupod ka naging sakripisyado Ako na dire andam han bagyo Sugad han bulkan tigda nga nagbuto
Dako an akon pinagbasulan Padayon ngan waray hunong an uran Han imo ako gin kalagiwan Kahuman ko ihatag han imo an kalangitan
Gin biling ka nakon na kaburubutngaan han imo konsensya Pero waray kana haakon pinmakita Kay ano sugad an imo huna-huna Na waray kana pinmaabat han kinabuhi na imo gin ruba
Angay ba na sugaron ako hine nimo? Sugad han manyika, gin mulayan mo la ako Gin katinuod ko an panhigugma ha imo Pero an sugad ha imo na tawo, gin lurong la ako
2. Higugmaon ko nga Pamilya by: Charry Lagado
Hi mama, papa, ate, kuya, ngan bunso Hira an akon pamilya nga ada para ha akon
Hira an akon madadaupan Kun Ako nagkukuri ngan di ko naakos an akon mga problema
Hira an akon pamilya nga kinarawat ako kun ano’t akon pagkatawo
Bisan diri kami kumpleto ha amon panimalay Diri nam ginpapabay-an an kada tag-usa
Bisan damo an naabot na mga problema ha amon kinabuhi An akon pamilya na ato ngan diri napa pirde
Hira an akon kusog ngan hira an akon kalipayan Hira an akon pamilya na diri ako pasasagdan ngan ira ako mamahalon
3. Sangkay
Kauyag ko Ikaw himoan hin siday Tungod ha imo dako an akon kalipay Pero dire ako maaram kun tipaunanhon ko titikangan Kay an akon kaawod baga nasamurang
Salamat nga ada ka pirme ha akon Waray mo ako talikdi bisan ha oras hin kasulob-on Naging lampara ka didto han kasirum
Bisan nakakita ka han akon negatibo nga kinaiya Waray ka pakahunahuna ha akon panbaya Kaupod ka haakon mga tinundo Kay paprehas gud it aton ka ulo
4. An akon Mga Sangkay by: Jeilo Alpino
An akon mga sangkay Nga mag-aringasahay Kun kikitaon mga seryusuhay Baga kulaoy hin mga tultulay Pero ha kamatuoran di tun mga tunay
Di nakakalikay na waray mga linurong O danay mag-aragway Mag istorya la hin maupay, ada kay nagkakatuhay Waray ngani maestra, ngatanan nagkakalipay
Marisyo kun kikitaon Saypa kun it iristoryahon pagkaon Birthday, tapos, labi na kun patron Agidaw kay nag-uurubos an amon seksiyon
Damo’t kapaogan nga nababaruan, Saypa tam mga klasmeyt na magpakatarawa Bisan ano la’t mahuna-hunaan Ada kay an iba karagtatawa man bisan waray pataraw-an
Kun ira liwat mga crush naagi Agidaw kay manguli-nguli it kalugi Kurahab ngadto, kuligi ngadi Baga man kulaoy hin gin aasi
Damo pa unta iton aton isusurat Ha sunod nala kun susumahon Pero mga kasngkayan ini, nagtitikang ha akon
5. Padayon by: Clarys Jana Dolor
Bisan ano pa ka kurit dalan Bisan ano pa ka hiwit gin aagian Imo gudla pirmi tigamnan Na tanan iton may kataposan
Ayaw la pag bul-iw ha imo hingyap Damo nga grasya ayaw ka group pag ihap Tanan inin na kakurian matatalwas gihap Sanglit tigamni an bumulig pag dughap
Lingi-a an mga bumulig ngada han kakurian Yana nga aada kana han imo kapawaan Balika intawon an nagpalamrag han imo kasisidman Kinasing-kasing na pasalamat han imo inadman
creativewriting 